Mic 7 | ZomZIV | STEP | Hamsia na zen ing e! Lenggah a heu laitaka singgah lawh a sawmpa tawh ka kibang hi. Lokhia a neknek ding lenggah om lo a, ka lunggulh theigah palte a om kei hi.

Micah 7

Israel-te Hamsiatna

1 Hamsia na zen ing e!
Lenggah a heu laitaka
singgah lawh a sawmpa tawh ka kibang hi.
Lokhia a neknek ding lenggah om lo a,
ka lunggulh theigah palte a om kei hi.
2 A pasian-mite leitungah beimangta a, ^a
thutaka dingtang mi khat beek a om kei hi. ^b
Mi khempeuh in sisan luansak ding bek ngak uh a; ^c
amau sanggamte lenthang a siah uh hi. ^d
3 A khutte gel uh gitloh nasep ding siam mahmah a, ^e
a gam-ukte un letsong ngenin,
thukhente in golhguk sang uh a,
thuneite amau deih bangin thu sit uh a -
a vekun a kithu tuak uh hi.
4 Amaute a hoihpen nangawn ling tawh kibang uh a, ^f
a thutangpente lingdawn hiam sangin siazaw uh hi. ^g
Na galvilpa ni, nang kiangah
Pasian hong hawh ni tung zo hi.
Tu-in amaute lungkham ding hun hi ta hi. ^h
5 Na vengpa muang kei in;
lawm khatpeuh pisan pah kei in. ⁱ
Na kianga lum na kawinu tungnangawn ah
na thugen ding kidawm in.
6 Ahang in, tapa in a pa pahtawi lo a,
tanu in a nu langbawlin ^j
mo in teknu a langbawl hi -
mi khat gal in amau innkuan sung mah ahi hi. ^k
7 Ahi zongin ke’n ka hileh lametna tawh TOPA ka en gige a, ^l
ka honpa Pasian ka ngak hi;
ka Pasian in ka thu hong ngai ding hi. ^m

Israel Tho Ding

8 Ka galte in hong awi vial kei un! ⁿ
Ka puk hangin ka tho ding hi.
Khuamial lakah ka tut hangin, ^o
ka khuavak TOPA hi ding hi.
9 Ama langkhat ah ka mawh hangin
ka thu hong thumsak mateng
TOPA thangpaihna ka thuak dinga amah in
kei hong diksak ding hi.
Amah in khuavak ah kei hong puakkhia dinga
thumaan ka mu ding hi.
10 Tua ciangin ka galte in mu ding uh a,
kei tungah,
“TOPA na Pasian koi-ah om hiam?” hong cite
maizumin a kihum ding uh hi. ^p
Tuanu kisiatna ka mitin ka mu ding hi;
tu nangawnin lam lian a buandim
bangin khe tawh a kituancil ding hi.
11 Na kulh uh cian kik ding ni le na gamgite uh
a kikhan ni hong tung ding hi. ^q
12 Tua ni ciangin mite
Assyria pan le Egypt khuapite pan,
Egypt pan Eupharates ciang dong nangawn le
tuipi pan tuipi dong le
muallian pan muallian dongin na kiangah hong pai ding uh hi. ^r
13 A tunga teng mite gamtatnasa hangin
leitung gamkhing a suak ding hi.

Thungetna le Phatna

14 Lei hoiha lonona mun tulaka ^{▼▼14 Ahikeh Carmel laizang ah}
amau le amau a teng
na innluah ding na mite, ^t
nangma tuuhonte na ciangkhutin cing in.
Tanglai peka bangin Bashan le
Gilead ah amaute tasak in. ^u
15 “Egypt pan na paikhiat lai mah bangin
ka na lamdangte amaute ka lak ding hi.” ^v
16 Minamte in mu ding uh a,
a vangliatna uh maizumpih ding uh hi. ^w
A kam uh hum ding uh a,
a bil uh a ngong ding hi.
17 Amaute in gul bangin leivui liak ding uh a,
leitungah ganhing bangin a bokvak ding uh hi.
Kawhawm sung panin ling kawmin amaute pusuakkhia ding uh hi;
TOPA eite Pasian kihta in kihei ding uh a, ^x
note zong hong kihta ding uh hi.
18 Na innluah dingin a baanglaite khialhna maisaka ^y
a mawhna uh a phelsak
nang tawh kibang Pasian kua om ahi hiam? ^z
Na heh den kei a,
na lainatna na lak hi.
19 Kote nong khuatuah kik ding hi;
ka mawhnate uh khepek nuai-ah sikcipin,
ka khialhnate uh tuipi thuk sungah na lawnmang ding hi. ^aa
20 Tanglai pekpeka ka pate uh tunga ^ab
na kiciamsa bangin ^ac
Jacob tungah thumaanin Abraham tungah
na lainatna na lak ding hi. ^ad